مدح ترکی -حضرت ابوالفضل العباس
http://www.senatorha.com/up/uploads/144528549171741.jpg
قلمون قدرتی معلوم اولار انشاســـــــــــندن
شاعرون قدرتی معلوم اولار احساسنــــــدن
مادحیون مد حی دوتار قدرت انفاســــــــندن
پیکرین وارلقی معلوم اولی اعضاســــــــندن
یاز ارام منده حسینون گوزل عباســــــــــندن
****
آقانـــــــــون نوکری گر صاحب شخصیت اولا
بیر اورکـــــــدن چاغرا بیرده بیرآز رافت اولا
گله جاق مجلـــــــسه گر اولمیا یا دعوت اولا
ویـره جاق ایسته سن هر قدر اگر حاجت اولا
ایـستیون حاجتزی مــــــــعجزه دریاسندن
نیه خاطـــــــــردی ابوالفضلده منصب واردی
بیله بیر منصبه بــــــــیر بیله مخاطب واردی
چوخ اوزون قوللی رشادتلـــــی ملقب واردی
چونکه عباسه بو جور صاحب مکتب واردی
جاننان ال اوزدی ولی اوزمـــــدی مولاسندن
دیدی یا سیّدی جان دوشدی دوزمــــــــــــدن تز گل
سوزی دوتسان خوش اولار ایندی سوزمدن تز گل
اوخ وربلار آقا گورمور بو گوزمـــــــــــــدن تز گل
گل ننم اینجمسون گیتدیم اوزومــــــــــــــدن تز گل
عرفا درک ایلیر تز سوزی معناســــــــــــــــندن
بیلدی بو سرّی حسین خیمده گوزلر دولـــــــدی
گوردولر کی آقا بیر لحظه سارالدی صولــــــــدی
زینب عرض ایتدی حسینجان منه دی تز نولـدی
دیدی عباسون او شهلا گوزینه قان دولـــدی
اولدی دای ام بنین سرو دل آرا ســـــــند ن
قارداشیم تکـــدی باجی دوره سینی دشمن آلوب
شیشه عمرینــــــــــی بیللم که فلک داشه چالوب
ایتیریبدوریولونــــــــــ ـی دشمن آرا ســـایه سالوب
حی دیور قارداش حسین گل باشیم اللرد ه قالوب
(منی ایستیر گوره ) بیللم که تمناســـــــــــند ن
سالدیلار قارداشیمی دشمن آرا قالدیم تـک
زینبیم سن بالاجا قـــزلارا تزتز باش چــــک
گیدیم امدادینه بیللم ایویمی یخدی فلـــــک
طاقتیم قالمیوب ایندی منه سن ایله کمک
قویما چوخ دیزلریمون اسگیله یاراســندن
ذوالجناحی گتیروب زینب حسین اولدی سوار
کربلا دشتینی بیر لحظه آلوب گــــــــردو غبار
گوردی عباس قوشون آختاروری را فــــــرار
دیدی یا سیّدی وور تا قولوون قــــــــوتّی وار
قوللاری یوخدی کمک ایستمه عباســــــــندن
زینب ایستردی حسینه ویره هیجاده قـــــــــوا
باشنا یغدی بالا قـــــــــــــــزلاری ایلوردی دوا
دیدی اوچ گوندی خدا خیمه لر حسرتدی سوا
تشنه لر خاطرینه ایتمه حسینی رســــــــــــوا
دشمنی دوشسون حسینون ید و بیضا سنـدن
دیدیلر یا رب حسین اولموش ئورکدن غمگین
قارداشی اوغلی ئولوب ویر ئورگینه تسـکین
قوّت قلبیله بو نهضته ایتسون تمــــکین
گوردولر بیر ننه آغلور دیور آمین آمـــین
بالالار فخر ایلدی لحــن تماشاســــندن
قوّت قلب تاپوب دشمنه اولدی چــــــــــــــــیره
قاچدیلار بیرده مبادا آتا ال شمـــــــــــــــــشیره
شیر میدان یتشوب رزمگه نخــــــــــــــــــجیره
گوردی آی تپراقا دوشموش گون اولوبدی تیره
دوتدی میدانی سکوت آغلامـــاق آواســــــــندن
پارچالانمش باشنی آلدی حسین دیز اوســـــــته
سیلدی شهلا گــــــــوزنون قانین آقا پیوســـــته
گوردی عباسی! حســـــین بو عمله شایـــــسته
یوز یوزه قویدولا بیر لحظه کی قارداش خسته
نجه آیرلسن حسین یاره لــــــی سقا ســــــندن
آپارا خیمیه عباسی گتـــــــــــیردی نـــــــظره
الی قوینوندا حسین باخدی بیر آز دورو بـره
دیدی عباس ! حسین دولمیالار خیمه لــــــره
دولسالار خیمیه زینب دوشه جاخدی خطره
آیریلق نوکره خوشدور دوشه آقاســــــــندن
ای علمدار حسین عشقیوه جانــــلار قربان
اولونان ظلموه تعظیم ایلیر هر انـــــــسان
سنون اعجازیوه چوخلار گتریبدور ایـــمــان
سنون آدونله جهاندا تاننبدور ایـــــــــــران
قویما فتاح دوشه قدرت احساســـــــندن
