بیر دنه یار آختاریرام جیسمیمه جان آختاریرام
نه گوزل اولسون نه مارال عشقی قانان آختاریرام
نازلی نیگار،عشقه دچار،سئوملی یار،مست و خمار
قدّی یوز آتمیش دان اوجا،لاب دا اوجا یوخ بالاجا
بویله موشخصات دا بیر غنچه دهان آختاریرام
عینکی یوخ وزنی آریخ همده کی بیر بوللی شولوخ
تجروبه سی داغجا ولی یاشدا جاوان آختاریرام
دوزلی شیرین چوخ وفالی تورک قیزی دا اولمالی دی
قوی کی دییم ساده سینی دورّ زمان آختاریرام
(وحید شکرزاده)
