کاربر سایت
دوشوب عشقین باشما ای سنه قربان گوزلیم
گل جمالوندی فقط دردیمه درمان گوزلیم
یوخوگلمیر گوزومه صبحه تکین، من اویاغامهارداسان آختاررام من سنی حیران گوزلیم
دوشموشم عشق اودونا رحم ایله انسان سان اگر
بوقدر ناز ایلمه سو منی جیران سان اگر
ره عشقون ده خیلی زمان دیر گزیرم
منی اولدور قوتاریم حاکم زندان سان اگر
کاربر سایت
دوت الیمدن بو همان الدی فراقینده سنین
یادیما سالماق همان باشا چالاردیم گئجه لر
حوسنو روخسارینی رویاده چکردیم قلمه
قلبیمی قاب ائیله ییب قابه سالاردیم گئجه لر
بونا خاطیرکی آدین دوشمه یه اغیار الینه
دوز کیمی آدیوی یازدیقجا یالاردیم گئجه لر
بئله سیزلاردی اوره ک یادینا سالدیقجا سنی
سینه می دیرناق آتاردیم پارالاردیم گئجه لر
بلکه سن ساغ یاشاییب ساغ دولانیب ساغ گزه سن
گوزه لیم هر قادان اولسایدی آلاردیم گئجه لر
سن رقیبیمله گونوز سیره چیخاردین چمنه
منده عشقینده سولاردیم سارالاردیم گئجه لر
گوزلرین یادیمه دوشدوکجه اسردی بدنیم
قوش کیمی یئرده دوشردیم چابالاردیم گئجه لر
تابلو اوستونده چکردیم سنی مین زحمتیلن
بیر باخیب اوستونه تئز رنگی جالاردیم گئجه لر
ایندی ده گئتمه لی سن گئت دئمیرم منده گلیم
قاللام اول حالداکی اولده قالاردیم گئجه لر
مکتب عشقیده مجنونیله من باهم ایدیک
غم ییغاردیم سینه مه غصه چکردیم گئجه لر
مجنون اوز عشقینی لیلایه گوره بیلدیردی
من گونوز یازدیغیم عشقی قارالاردیم گئجه لر
کاربر سایت
منیم آغلار گؤزومه رحم ائله جانان ، گئتمه
دایانیب جان دوداغا ، جان سنه قوربان ، گئتمهقوی منیم جانیمیله صبر و توانیم گئتسین !سن منه تاب و توان ، روح و روان"سان ، گئتمه !سن"ایله هر غمه ، هر درده تحمل ائدرم
آما سن"سیز یوخوموش دردیمه درمان ، گئتمه !
نئیلیرم زهره"نی ، چرخ فلکی ، آی گونشی ؟هامیسی گئتسه گئدیب ، سئوگیلی جانان گئتمه !
کاربر سایت
دونیانی ترک ایلییپ من دولدوروم پیمانه نی
( دنیا را ترک کرده ، پیمانه را پر کنم )
بی وفا اولسا نیگاری بیر کسین بیچاره دیر
( اگر یار کسی بی وفا باشد ، او بیچاره است )
بولبولون حالین دوشونمز گول، دئمه افسانه نی
( حال بلبل را گل نمی فهمد ، پس افسانه سرایی بس است )
اوت توتار عشقین یولوندا جان ورر بیچاره شمع
( شمع بیچاره در راه عشق آتش میگیرد و جان می دهد )
اما عاشیق سویلیرهر کیم گوره پروانه نی
( اما عاشق دوست دارد که هر کسی پروانه را ببیند )
قانلی کونلوم گوزلییر یول تا سنه قوربان اولا
( چشم خونبار من چشم به راه توست تا قربانت شود )
گل بو هیجراندان خراب ائتمه داها کاشانه نی
( از این هجران بیا و دیگر کاشانه را خراب نکن )
هر کونول الدن وره یارین او بیر ویرانه دیر
( هر دلی که یار خود را از دست بدهد یک ویرانه است )
کاربر سایت
بير گون بير ائل واريميش
بير گون بير ائل واريميش فلك اوننان ياريميشفلك دوندو چرخ دوندو ايندي گونو تاريميش
ايلر بويو كرالكن پايي بو گون داريميشمين ايل غرورله ياشاركن داها حقي عاريميش!!!گئچه جك بيزه گونش لي ايندي دومان قاريميشقاراداغلي گئنه گئچن گون دا بوگون آه و زاريميشبير ميلتين بير تاخيميبير ميلتين بير تاخيمي ايكي گوزون تك باخيميائلين گوجو سئلين گوجو تراختوروم ائلين گوجوبو جوانلار كيمليك اوچون منيم تيميم تيراختورونتيراختوروم آذربايجان جانيم اولسون سنه قوربانتيراختورون دوشماني چوخ نه گوزل كي عقلي ده يوخراسيست لر فاشيست لر تيراختورلا دوشمنديلرتيراختوروم قالماز يولدا وطن اوغلو ساغدا ،سولداائليميزده اولوم يوخدو يوردوموزدا بولوم يوخدويوردوم منيم ناموسوم دير اونا قوبان بو جانيم ديرياشاسين منيم آنا يوردوم قاراداغلي ال ور دوردوم
مدیر بازنشسته
وطن اولادی
ای وطن اولادی، بیر آن وئرمه فرصت دوشمنه
قهرمان ضربه‌نله گؤستر درسِ عبرت دوشمنه!
قوی آلوو یاغسین تفنگیندن، توپوندان جبهه‌ده
ائیله اؤز دونیاسینی قهرایله ظلمت دوشمنه!
سونگوتک سانجیل فاشیستین قلبینه، یار باغرینی
ضربه اوستدن ضربه وور خائن طبیعت دوشمنه!
پارتلاسین قوی هیتلرین آلچاق باشیدا بومبالار
هر طرفدن وور جسارتله خسارت دشمنه!
ییخ، داغیت، یانسین جهنم‌تک فاشیستین جبهه‌سی
قسمت اولسون، قویما، بو گولزارِ جنّت دوشمنه!
بیلدی عالم هیتلرین خائن‌لیگین، ادنالیغین
یاغدیریر میلیونلا دونیا خلقی، نفرت دوشمنه!
حاضریق، واحد، صداقتله وطن اوغروندا بیز
هر زمان گؤرسترمگه قطعی جسارت دوشمنه!
مدیر بازنشسته
موسیقی مجلسی
موسیقی مجلسی‌نین طرفه علامت‌لری وار
گوش قیل گور نئجه جانسوز حکایت‌لری وار
موسیقی ذوقینه اول کس کی، ده‌گیلدیر واقف
بو بساطین نه بیلیر، کیم نه شرافت‌لری وار
تاری، بیهوده حساب ائتمه، اگر عارف‌سن
گورکی، مه‌رولر الیندن نه شکایت‌لری وار
اودا بیر زلفی سیه دلبرین آلوده‌سی‌دیر
که صداسیندا پریشانلیق اشارت‌لری وار
خوار، ظّن ائتمه، ساکین، موسیقی خادملرینی
اونلارین ذوقینه گیر، گور نه نزاکت‌لری وار
موسیقی غم داغیدیر، ذوق وئریر انسانه
درک قیلماز بونی اونلار کی، سفاهت‌لری وار
شاعرین، موسیقی خادملری‌نین، رسّامین
اینجه دقتله دوشون، گور، نه مهارت‌لری وار
موسیقی ذوقی هلاکولره، تاثیر ائتمیش
اوخو تاریخی، دوشون، گور نه روایت‌لری وار
بعضی نادان نه بیلیر موسیقی ذوقین، واحد!
چونکی جاهلدیلر، اولدوقجا جهالت‌لری وار
مدیر بازنشسته
صحبت اولماسین
میخانه مجلسینده گره‌ک صحبت اولماسین
بیرکسده صحبت ائیله مگه جرئت اولماسین!
صحبت خیلافدیر، دئمیرم، ترکین ائیله‌یین
مئی مجیلسینده، جهد ائیله‌یین، غیبت اولماسین!
سرخوشلیق ائتمه، گؤزله، مئی‌ین احترامینی
سالما آیاغه باده‌نی، بی‌حرمت اولماسین!
مئی‌دن مراد و ذوق و صفا آلماق ایسه‌گر،
مئی تک بساطه ذوق یئتیر، نفرت اولماسین!
ایچدیکجه اهل حالی ائدر هوشیار مئی،
پژمرده‌لنمه، قابل اوتور، غفلت اولماسین
پیرِ موغان او شخصه ائدوب باده‌نی حلال،
ذاتینده، شبهه یوخ، کیم، اونون علّت اولماسین!
سن آدم اول، ادبله مئی ایچ، اوُیما جنّته
کوثر، جهنمه! سنه قوی، قسمت اولماسین!
مئی‌دیر، خلاصه، روحه غذا، بیرده موسیقی،
بونلاردان اؤزگه عالی گره‌ک نعمت اولماسین!
ظنیم خطا دئییل کی، دئسه‌م، موسیقی کیمی،
صنعت‌لر ایچره اینجه گره‌ک صنعت اولماسین!
هر علمه قیمت اولدو ایگیرمنجی عصرده،
بیر یئر اولورمی، موسیقییه قیمت اولماسین؟!
واحد، او ملّت کی اونون موسیقیسی یوخ
باتسین‌دا یئرلی دیبلی، ائیله ملّت اولماسین!
کاربر سایت
کیمده واردیر گؤزلیم سنده اولان جاذبه لر
سنه دنیاده مگر عاشق اولا ندا غم ائلر ؟
بس دیر اولدورمه یه جکسن گؤزلیم دنیانی
هر یوزی گؤیچک اولا ندا بوقدر چم خم ائلر
.
.
اینجیمه گؤز یاشیم آخسا سنی گؤردوکده گولوم
گول آچیل دیکده باهار فصلی بولود شبنم ائلر
ناز و غمزه ن ، یئریشین ، شوخ باخئشین عالم دیر
بیرده زولفون اوزه توکسؤن اودا بیر عالم ائلر
.
.
حیف سن گزمه یاراشماز سنه بیگانه ایله
او آچیب سرینی دونیایه سنی محرم ائلر
واحدم عمرومو من عشقیله صرف ایله میشم
عشق یا اؤلدورر آخیر یا منی آدم ائلر
مدیر بازنشسته
سئوگی آیرلیخدان، گوجلودو والله
من اوزاخ سفره یوللانان گمی
سنی ترک ائدیرم بیر لیمان کیمی
قوخما آیرلیخدان بوراخ الیمی
سئوگی آیرلیخدان، گوجلودو والله
دونیادا نه قدر سئوگی وار بیل کی
سن منیم دیلیمین ازلی ، ایلکی
قوخما آیرلیخدان،اولوم دییل کی
سئوگی آیرلیخدان، گوجلودو والله
سن هله بیلمیسن آیرلیخ نه دیر
هر سفر کونلونو سیخیر، ایللدیر
آیرلئخ جیسمیدی، روح سنینله دیر
سئوگی آیرلیخدان، گوجلودو والله
قورخولو اینتیظار وار آغلار گوزونده
نئچه یالواریش وار بیر جه سوزونده
بیر گون بیلجکسن ائله سن اوزونده
سئوگی آیرلیخدان، گوجلودو والله
نه فرقی، یاخینام یا کی اوزاغام
هله کی سنینم نه قدرساغام
اولسم او دونیادان قایئداجاغام
سئوگی آیرلیخدان، گوجلودو والله
گوز یاشی عبث دیر توکوب گئدجم
کونلومو اودلارا یاخیب گئدجم
من سنه ،هامی یا ثبوت ادجم
سئوگی آیرلیخدان، گوجلودو والله
مجوز های ارسال و ویرایش
پاسخ با نقل قول
