اشعار و غزليات تركي

[!722!]

بیر گون یولوم دوشدی مزارستانا




ایله حس ایلدیم دوران یاتبدی


گوردوم انسانلاری سسیز صداسیز



بیلدیم دن قورتاریب درمان یاتبدی


سویکدیم بیر داشا ناتوان دیزی



زیارت ایلدیم اخر اویمیزی


گوردوم دار قبرده ظالم چنگیزی



ایلیب دنیانی ویران یاتبدی


ایستدیم قایدام ایاق دایاندی



باخدیم بیر قبره اورگیم یاندی




دنیانی ترک ادیب بیر آز زماندی



یار وصلین گورممیش جوان یاتبدی


حیرصدن دیشلریم بیر بیرین یدی



گوزوم گاه اغلادی گاه گولومسدی




داشین اوستوند کی یازیلار ددی



شاعر آستا یری انسان یاتبدی


القانا بویادی دیشیم دوداقی



هر ندن چتیندی اولاد فراقی


گوردوم بیر قبرده خیردا اوشاقی



اناسینان اوزاق گریان یاتبدی


اویما بو دنیانین پیس مرامنا



دنیا سلیمانلار چکمیش کامینا




یولچی تعنه ورور شاه مقامنا



اقادان یوخاری چوبان یاتبدی


اوردا هیتلر دوروب جنایت اتمز



یولداش یولداشیا خیانت اتمز


یوخسولوخ بیر کسی خجالت اتمز



توپراق ایچینده هامی یکسان یاتبدی


توپراق آلتیندا اریب بدنلر



گلدیگیم ندندی گتدیگیم ندن


بیریسی تابایپ اوچ قارچ کفن



قراندریق مکاندا عریان یاتبدی


اوردا نه جلاد وار نه دار آغاجی



قارداشین تانمور اوردا خان باجی


دونوب یار یارینا باخمور قیقاجی



اداسیز عشوسیز جیران یاتبدی


تپراق التیندا گوردوم من آیرلمازی



گلیب گتمگینه حیران یاتبدی

[!722!]

يقين بيل ابجد و بورهان, "على"دير
بيان-ى توحيد و قورآن, "على"دير

محممد مئعراجا وارديغى گئجه
قاپيدا گؤردويو آرسلان, "على"دير

چيخاردى اوزويو, وئردى نيشانه
"حقيقت" گؤردو كيم سوبحان, "على"دير

"حق" ايله قيلدى دوخسان مين كلامى
اوتوز مين سيرر ايله سيردان, "على"دير

چيخاريب يئر اوزوندن گؤيه اول دم
آپاريب گتيره ن رحمان٫ "على"دير

گؤروب يئر اوزره بير گونبد ياسينميش
عجاييب گونبد-ى خضران٫ "على"دير

ايچينده سورولور سيرر-ى حقيقت
قورولموش محشر و ميزان٫ "على"دير

ايره لى يئريييب٫ قاپىنى قاخدى
آنا كيمسن؟ دئيه سوران٫ "على"دير.

دئدى كيم: خاديمم٫ خئيرالنسايام
هم اول دم قاپىنى آچان٫ "على"دير

چو گؤردو قيرخ ارى وار٫ سيرر-ى قودرت
ايچينده سرور-ى مردان٫ "على"دير

ايچرى گيريبن قيلدى محببت
بيرى قيرخ٫ قيرخى بير ياپان٫ "على"دير

عجاييب رمز ايچينده قالدى احمد
بو رمزى گؤستره ن آسان٫ "على"دير

بيرينه چالدى٫ قيرخيندان قان آخدى
هم اول دم نشترى چالان٫ "على"دير

چيخاردى بير اوزوم ساييل دونوندا
الينه خاديمين سونان٫ "على"دير

ازيلدى شربت اولدو٫ ايچدى اونلار
جونون و عاشيق و حئيران٫ "على"دير

چاليندى كف و دست٫ قوپدو سماعى
بولارى مست ائده ن مستان٫ "على"دير

ايچيلدى شربت و ييرتيلدى تولبند
اوزويون گؤسته رن نيشان٫ "على"دير

يوخ ايكن يئر و گؤى٫ عرش ايله كورسو
حقيقت ميزانين قوران٫ "على"دير

بو معنىدن "على" سيرردير٫ يقين بيل!
خواريج گؤزونه سينان٫ "على"دير

بو بيچاره "ختايى"نين پناهى
داواسيز دردلره درمان٫ "على"دير.

[!722!]

خان ننه، هایاندا قالدین


بئله باشیوا دولانیم

نئجه من سنی ایتیردیم!

دا سنین تایین تاپیلماز

سن أولن گون، عمه گلدی

منی گتدی آیری کنده

من اوشاق، نه انلیایدیم ؟

باشیمی قاتیب اوشاقلار

نئچه گون من اوردا قالدیم.

قاییدیب گلنده، باخدیم

یئریوی ییغیشدیریبلار

نه أوزون و نه یئرون وار

«هانی خان ننه‌م؟» سوروشدوم

دئدیلر که: خان ننه نی

آپاریبلا کربلایه

که شفاسین اوردان آلسین

سفری اوزون سفردی

بیر ایکی ایل چکر گلینجه

نئجه آغلارام، یانیخلی

نئچه گون ائله چیغیردیم

که سسیم، سینم توتولدی

او، من اولماسام یانییندا

اوزی هئچ یئره گئدنمز

بو سفر نولوبدی من سیز

أوزی، تک قویوب گئدیبدی ؟

هامیدان آجیخ ائدرکن

هامیا آجیخلی باخدیم

سورا باشلادیم که: من ده

گئدیرم اونون دالینجا

دئدیلر: سنین کی تئزدیر

امامین مزاری اوسته

اوشاغی آپارماق اولماز

سن اوخی، قرآنی تئز چیخ

سن اونی چیخینجا بلکه

گله خان ننه سفردن

تله سیک، راوانلاماقدا

اوخویوب قرآنی چیخدیم

که یازیم سنه: گل ایندی

داها چیخمیشام قرآنی

منه سوقت آل گلنده

آما هر کاغاذ یازاندا

آقامین گؤزی دولاردی

سنده کی‌گلیب چیخمادین

نئچه ایل بو انتظار لا

گونی، هفته نی‌سایاردیم

تا یاواش یاواش گوز آچدیم

آنلادیم که، سن اولوبسن!

بیله بیلمییه هنوزدا

اوره گیمده بیر ایتیه وار

گؤزوم آختارار همیشه

نه یاماندی بو ایتیکلر

خان ننه جانیم ، نولیدی

سنی بیرده من تاپایدیم

او آیاقلار اوسته ، بیرده

دؤشه نیب بیر آغلایایدیم

کی داها گئده نمییه یدین

گئجه لر یاتاندا ، سن ده

منی قوینونا آلاردین

نئجه باغریوا باساردین

قولون اوسته گاه سالاردین

آجی دونیانی آتارکن

ایکیمیز شیرین یاتاردیق

یوخودا ( لولی ) آتارکن

سنی من بلشدیره ردیم

گئجه لی ، سو قیزدیراردین

اؤزووی تمیزلیه ردین

گئنه ده منی اؤپه ردین

هئچ منه آجیقلامازدین

ساواشان منه کیم اولسون

سن منه هاوار دوراردین

ائله ایستیلی او ایسته

داها کیمسه ده اولورمو ؟

اوره گیم دئییر کی : یوخ – یوخ

او ده رین صفالی ایسته

منیم او عزیزلیغیم ته

سنیله گئدیب ، توکندی

خان ننه اؤزون دئییردین

کی : بهشت ده ، الله

وئره جه ک نه ایستیور سن

بو سؤزون یادیندا قالسین

منه قولینی وئریبسه ن

ائله بیر گونوم اولورسا

بیلیرسن نه ایستیه رم من ؟

سؤزیمه درست قولاق وئر :

سن ایله ن اوشاخلیق عهدین...

خان ننه آمان ، نولیدی

بیر اوشاخلیغی تاپایدیم

بیرده من سنه چاتایدیم

سنیلن قوجاقلاشایدیم

سنیلن بیر آغلاشایدیم

یئنیدن اوشاق اولورکن

قوجاغیندا بیر یاتایدیم

ائله بیر بهشت اولورسا

داها من اؤز الله هیمدان

باشقا بیر شئی ایسته مزدیم

[!722!]

گینه گلدی رمضان هامی مسلمان اولاجاق

دین اسلام اوجالوب خلق نماز خوان اولاجاق

گله جق غیرتده فاسق ، اولاجاق اهل تمیز

ایتدیقی معصیته جمـــــــله پشیمــان اولاجا ق

بیر محرمده چخوب شاهـقلی بو مسجد دن

بیر ده بو آیده گلــــوب داخـل ایوان اولاجا ق

روزه سین میل ایلینلر چیخاجاقلار سفـره

ایله بیر هاموسی زوار خـــراسان اولاجا ق

او آداملار که ایدوب میلته چوخ جور وستم

هاموسی بیر گئجه ده قاری قرآن اولاجا ق

هیچ گناه اولماسا بسدور بیزه بو صوم وصلاه

قبر ایچینده بیزه او حائیل سوزان اولاجا ق

[!ALIPOUR!]

یالقیزلیق

غم ده ن منیم بیر گوزلوک وار گوزومده
دانیشاندا غم گورسه نیر سوزومده
یانمیشام من ,کولومده وار ,کوزومده

داغلار بیلیر یولار بیلیر سنده بیل

چوخ گجه لر صبحه کیمی یاتمادیم
بیر توکونو بیر عالمه ساتمادیم
بیر آن سنی اوزگه لره قاتمادیم

داغلار بیلیر یولار بیلیر سنده بیل

سسله میشم گجه گونوز آدینی
اورک هله اونودماییب دادینی
گوزلریمده گزدیریرم یادینی

داغلار بیلیر یولار بیلیر سنده بیل

سن گوزومون ایشیغی سان ,جانیم سان
آیدینلیغیم ,سحریمسه ن ,دانیم سان
اوره ییمی دولدوروبسان قانیمسان

داغلار بیلیر یولار بیلیر سنده بیل

سنده ن اوتور داغی داشی آشارام
ده نیز ته کین دالغالانیب داشارام
بیر سن اولسان گورر منی یاشارام

داغلار بیلیر یولار بیلیر سنده بیل

سن کی گئددین من تک قالدیم آغلادیم
شاملار کیمی یاندیم ,دالدیم ,آغلادیم
یالقیزلیغین سازین چالدیم آغلادیم

داغلار بیلیر یولار بیلیر سنده بیل

غم یایندان اورییمه دیسه اوخ
کوله دوشوب داغلار گزسه م چوخدان چوخ
من بیلیرم امک بیلن یوخدی یوخ

داغلار بیلیر یولار بیلیر سنده بیل

سون سوزومده قاباقچی دیر هاماندیر
سالما گوزدن جانیم منی آماندیر
سن سیز حالیم یامان دان دا یامان دیر

داغلار بیلیر یولار بیلیر سنده بیل

[!ALIPOUR!]

یالقیزلیق = تنهایی

غم ده ن منیم بیر گوزلوک وار گوزومده = عینکی از غم در چشمانم هست
دانیشاندا غم گورسه نیر سوزومده = حرف که میزنم غم نمایان میشه
یانمیشام من ,کولومده وار ,کوزومده = سوخته ام من ، خاکستر دارم و زغال

داغلار بیلیر یولار بیلیر سنده بیل = کوه ها میدونه راه ها میدونه تو هم بدون

چوخ گجه لر صبحه کیمی یاتمادیم = خیلی از شب ها رو تا صبح نخوابیدم
بیر توکونو بیر عالمه ساتمادیم = یه موی تو رو به هزار دنیا نفروختم
بیر آن سنی اوزگه لره قاتمادیم = لحطه ای تو رو با دیگران قاطی نکردم

داغلار بیلیر یولار بیلیر سنده بیل = کوه ها میدونه راه ها میدونه تو هم بدون

سسله میشم گجه گونوز آدینی = شب و روز اسمتو صدا زدم
اورک هله اونودماییب دادینی = دلم هنوز اون لذتش رو از یاد نبرده
گوزلریمده گزدیریرم یادینی = یادت رو در چشمانم میگردونم

داغلار بیلیر یولار بیلیر سنده بیل = کوه ها میدونه راه ها میدونه تو هم بدون

سن گوزومون ایشیغی سان ,جانیم سان = تو نور چشممی ، جونمی
آیدینلیغیم ,سحریمسه ن ,دانیم سان = روشنایییم ، صبحم ، ستاره منی
اوره ییمی دولدوروبسان قانیمسان = قلبمو پر کردی تو خونمی

داغلار بیلیر یولار بیلیر سنده بیل = کوه ها میدونه راه ها میدونه تو هم بدون

سنده ن اوتور داغی داشی آشارام = بخاطر تو کوه و دشت رو پشت سر میزارم
ده نیز ته کین دالغالانیب داشارام = مثل دریا پر میشم و لبریز میشم
بیر سن اولسان گورر منی یاشارام = فقط تو باشی برام کافیه و زندگی میکنم

داغلار بیلیر یولار بیلیر سنده بیل = کوه ها میدونه راه ها میدونه تو هم بدون

سن کی گئددین من تک قالدیم آغلادیم = از وقتی تو رفتی من تنها شدم و گریه کردم
شاملار کیمی یاندیم ,دالدیم ,آغلادیم = مثل شمع ها سوختم ، به فکر فرو رفتم ، گریه کردم

یالقیزلیغین سازین چالدیم آغلادیم = ساز تنهایی رو زدم و گریه کردم

داغلار بیلیر یولار بیلیر سنده بیل = کوه ها میدونه راه ها میدونه تو هم بدون

غم یایندان اورییمه دیسه اوخ = اگر از کمان غم تیری به قلبم بخوره
کوله دوشوب داغلار گزسه م چوخدان چوخ = به بیابان بیفتم و کوه ها رو بگردم خیلی زیاد
من بیلیرم امک بیلن یوخدی یوخ = من میدونم قدرشناسی نیست که نیست

داغلار بیلیر یولار بیلیر سنده بیل = کوه ها میدونه راه ها میدونه تو هم بدون

سون سوزومده قاباقچی دیر هاماندیر = حرف آخرم همون حرف قبلیمه
سالما گوزدن جانیم منی آماندیر = عزیزم مواظب باش منو از چشمت نندازی
سن سیز حالیم یامان دان دا یامان دیر = بی تو حالم خراب است حراب

داغلار بیلیر یولار بیلیر سنده بیل = کوه ها میدونه راه ها میدونه تو هم بدون

[!722!]

شاه داغیم، چال پاپاغیم،ائل دایاغیم، شانلی سهندیم

باشی توفانلی سهندیم

باشدا حئیدر بابا تک قارلا قیروولا قاریشیبسان

سون ایپک تئللی بولودلارلا اوفوقده ساریشیبسان

ساواشارکن باریشیبسان

گؤیده ن ایلهام آلالی سیرری سماواتا دییه رسن

هله آغ کورکو بورون، یازدا یاشیل دوندا گییه رسن

قورادان حالوا یییه رسن

دؤشلرینده سونالار تک شوخ ممه لرده

نه سرین چیشمه لرین وار

او یاشیل تئللری، یئل هؤرمه ده آینالی سحرده

ایشوه لی ایشمه لرین وار

قوی یاغیش یاغسادا یاغسین

سئل اولوب آخسادا آخسین

یانلاریندا دره لر وار

قوی قلم قاشلارین اوچسون فره لرله، هامی باخسین

باشلاریندا هره لر وار

سیلدیریملار، سره لر وار

او اتک لرده نه قیزلار یاناغی لاله لرین وار

قوزولار اوتلایاراق نئیده نه خوش ناله لرین وار

آی کیمی هله لرین وار

گول- چیچکدن بزه ننده، نه گلینلر کیمی نازین

یئل اسنده او سولاردا نه درین رازونیازین

اوینایار گوللو قوتازین

تیتره ییر ساز تئلی تک شاخه لرین چایدا چمنده

یئل او تئللرده گزه نده، نه کوراوغلو چالی سازین

اؤرده یین خلوت ائدیب گؤلده پری لرله چیمنده

قول-قاناددان اونا آغ هووله آچار قمزلی قازین

قیش گئده ر قوی گله یازین

هله نووروز گولو وار، قار چیچه یین وار، گله جکلر

اوزلرین تئز سیله جکلر

قیشده کهلیک هوه سیله چؤله قاچدیقدا جاوانلار

قاردا قاققیلدایاراق نازلی قلمقاشلارین اولسون

یاز، او دؤشلرده ناهار منده سین آچدیقدا چوبانلار

بوللو سودلو سورولر، دادلی قاوویتماشلارین اولسون

آد آلیر سنده ن او شاعیر کی سن اوندان آد آلارسان

اونا هر داد وئره سن، یوز او موقابیل داد آلارسان

تاریدان هر زاد آلارسان

آداق اولدوقدا، سن اونلا داها آرتیق اوجالارسان

باش اوجالدیقدا دماوند داغیندا باج آلارسان

شئر الینده ن تاج آلارسان

او دا شعرین، ادبین شاه داغیدیر، شانلی سهندیم

او دا سن تک آتار اولدوزلارا شعریله کمندی

او دا سیمرغیدان آلماقدادی فندی

شعر یازاندا قلمینده ن باخاسان دور سپه لندی

سانکی اولدوزلار الندی

سؤز دییه نده گؤره سن قاتدی گولو، پوسته نی قندی

یاشاسین شاعیر افندی

او نه شاعیر کی، داغین وصفینه میصداق اونو گؤردوم

من سنین تک اوجالیق مشقینه موششاق اونو گؤردوم

عشقه، عشق اهلینه موشتاق اونو گؤردوم

او نه شاعیر کی، خیال مرکبینه شو شیغییاندا

او نهنگ آت، آیاغین توزلو بولودلاردا قویاندا

لوله لنمه کده دی یئر-گؤی، نئجه تومار سارییاندا

گؤره جکسن او زاماندا

نه زامان وارسا، مکان وارسا کسیب بیچدی بیر آندا

کئچه جکلر، گله جکلر نه بویاندا - نه او یاندا

باخ نه حورمت وار اونون اؤز دئمیشی توک پاپاغیندا

شهریارین تاج ایمیش باشی دورموش قاباغیندا

باشینا ساوریلان اینجی، چاریق اولموش آیاغیندا

وحی دیر شعری ملک لردی پیچیلدار قولاغیندا

آیه لردیر دوداغیندا

او دا داغلار کیمی شانینده نه یازسام یاراشاندیر

او دا ظالیم قوپاران قارلا-کوله کله دوروشاندیر

قودوزا، ظالیمه قارشی سینه گرمیش، ووروشاندیر

قودوزون کؤکونه، ظالیم بیره لر تک داراشاندیر

آمما واختیندا فقیر خالقی اییلمیش سوروشاندیر

قارا میلله تده هونر بولسا، هونرله آراشاندیر


قارالارلا قاریشاندیر

ساریشاندیر

گئجه حققین گؤزودور، تور تؤره تمیش اوجاغیندا

اریییب باغ تک اوره کلردی یانارلار چیراغیندا

مئی، محبتدن ایچیب لاله بیتیبدیر یاناغیندا

او بیر اوغلان کی، پری لر سو ایچه رلر چاناغیندا

اینجی قاینار بولاغیندا

طبعی بیر سئوگی لی بولبول کی، اوخور گول بوداغیندا

ساری سونبول قوجاغیندا

سولار افسانه دی سؤیلر اونون افسونلو باغیندا

سحه رین چنلی چاغیندا

شاعیرین ذووقو، نه افسونلو نه افسانه لی باغلار

آی نه باغلار کی "الیف لئیلی" دا افسانه ده باغلار

اود یاخیب داغلاری داغلار

گول گولورسه بولاغ آغلار

شاعیرین عالمی اؤلمز، اونا عالم ده زوال یوخ

آرزولار اوردا نه نه خاطیرله یه ایمکاندی، محال یوخ

باغ جنت کیمی اوردا "او حارامدیر، بو حالال" یوخ

او محبتده ملال یوخ

اوردا حالدیر، داها قال یوخ

گئجه لر اوردا گوموش دندی، قیزیلداننه گونوزلر

نه زمرد کیمی داغلاردی، نه مرمر کیمی دوزلر

نه ساری تئللی اینه کلر، نه آلا گؤزلو اؤکوزلر

آی نئجه آی کیمی اوزلر

گول آغاجلاری نه طاووس کیمی چترین آچیب الوان

حله کروانیدی، چؤللر بزه نر سورسه بو کروان

دوه کروانی ده داغلار، یوکو اطلس دی بو جئیوان

صابیرین شهرینه دوغرو، قاتاری چکمه ده سروان

او خیالیمده کی شیروان

اوردا قار دا یاغار آمما داها گوللر سولا بیلمز

بو طبیعت او طراوتده ماحالدیر، اولا بیلمز

عؤمر پئیمانه سی اوردا دولا بیلمز

او اوفوقلرده باخارسان نه دنیزلر، نه بوغازلار

نه پری لر کیمی قولار، قونوب-اوچماقدا نه قازلار

گؤلده چیممه کده نه قیزلار

بالیق اولدوز کیمی گؤللرده، دنیزلرده پاریلدار

آبشار موروریسین سئل کیمی تؤکدوکده خاریلدار

یئل کوشولدار، سو شاریلدار

قصریلر واردی قیزیلدان، قالالار واردی عقیق دن

رافائیل تابلوسی تک، صحنه لری عهد-عتیق دن

دویماسان کؤهنه رفیق دن

جنتین باغلاری تک باغلارینین حورو قوصورو

الده حوریلری نین جامی بولوری

تونگونون گول کیمی صهبای تهوری

نه ماراقلار کی، آییق گؤزلره رؤیادی دئییرسن

نه شافاقلار کی، دیرن باخمادا دریادی دئییرسن

اویدوران جنت مأوادی دئییرسن

زوهره نین قصری بیریلیان، حصاری نرده سی یاقوت

قصری جادودی، موهندیس لری هاروت ایله ماروت


اوردا مانی دایانیب قالمیش او صورتلره مبهوت


قاپی قوللوقچوسو هاروت


اوردا شعرین موزیکین منبعی سرچئشمه دی قاینار


نه پری لر کیمی فواره دن افشان اولوب اوینار


شاعیر آنجاق اونو آنلار


دولو مهتاب کیمی ایستخریدی فواره لر ایله


ملکه اوردا چیمیر، آی کیمی مهپاره لر ایله


گوللو گوشواره لر ایله


شعر و موسیقی شاباش اولمادا، افشاندی پریشان


سانکی آغ شاهیدیر اولماقدا گلین باشینا افشان


نه گلینلر کی، نه انلیک اوزه سورترلر، نه کیرشان


یاخا نه تولکو نه دووشان


آغ پری لر، ساری کؤینه کلی بولودلاردان ائنیرلر


سود گؤلونده ملکه ایله چیمرکن سئوینیرلر


سئوینیرلر، اؤیونورلر


قووزاناندا هله الده دولو بیر جام آپاریرلار


سانکی چنگی لره، شاعیرلره ایلهام آپاریرلار


دریا قیزلارینا پئیغام آپاریرلار


دنیزین اؤرتویو ماوی، اوفوقون سقفی سماوی


آینادیر هر نه باخیرسان: یئر اولوب گؤیله موساوی


غرق اونون شعرینه راوی


غورفه لر، آی، بولود آلتیندا اولار تک گؤرونورلر


گؤز آچیب-یومما، چیراغلار کیمی یاندیقدا سؤنورلر


صحنه لر چرخی فلک تک بورونوب، گاه دا چؤنورلر


کؤلگه لیکلر سورونورلر


زوهره ائیواندا الهه شینئلینده گؤرونرکن


باخسان حافظی ده اوردا صلابتله گؤره رسن


نه سئورسن


گاه گؤره ن حافظ شیراز ایله بالکاندا دوروبلار


گاه گؤره ن اورتادا شطرنج قورارکن اوتوروبلار


گاه گؤره ن سازیله-آوازیله ایله نجه قوروبلار


سانکی ساغرده ووروبلار


خواجه الحان اوخویاندا، هامی ایشده ن دایانیرلار


او نوالرله پری لر گاه اویوبف گاه اویانیرلار


لاله لر شعله سی، الوان شیشه رنگی بویانیرلار


نه خومار گؤزلو یانیرلار


قاناد ایستر بو اوفوق، قوی قالا ترلانلی سهندیم


ائشیت اؤز قیصه می، دستانیمی، دستانلی سهندیم


سنی حئیدر بابا او نعره لر ایله چاغیراندا


او سفیل داردا قالان تولکو قووان شئر باغیراندا


شئیطانین شیللاغا قالخان قاتیری نوخدا قیراندا


بابا قورقور سسین آلدیم، دئدیم آرخامدی ایناندیم


آرخا دوردوقدا سهندیم ساوالان تک هاوالاندیم


سئله قارشی قووالاندیم


جوشقونون دا قانی داشدی، منه بیر هایلی سس اولدو


هر سسیز بیر نفس اولدو


باکی داغلاری دا، های وئردی سسه، قیها اوجالدی


او تایین نعره سی سانکی بو تایدان دا باج آلدی


قورد آجالدیقدا قوجالدی


راحیمین نعره سی قووزاندی دییه ن توپلار آتیلدی


سئی گلیب نهره قاتیلدی


روستمین توپلاری سسلندی دییه ن بوملار آچیلدی


بیزه گول-غونچه ساچیلدی


قورخما گلدیم دییه، سسلرده منه جان دئدی قارداش


منه جان-جان دییه رک، دوشمنه قان-قان دئدی قارداش


شهریار سؤیله مه دن گاه منه سولتان دئدی قارداش


من ده جانیم چیغیریب: جان سنه قوربان دئدی قارداش


یاشا اوغلان سیزه داغ-داش دلی جئیران دئدی قارداش


ائل سیزه قافلان دئدی قارداش


داغ سیزه آسلان دئدی قارداش


داغلی حئیدربابانین آرخاسی هر یئرده داغ اولدو


داغا داغلار دایاغ اولدو


آرازیم آینا-چیراق قویمادا،آیدین شافاق اولدو


او تایین نغمه سی قووزاندی، اوره کلر قولاغ اولدو


یئنه قارداش دییه رک قاچمادا باشلار آیاق اولدو


قاچدیق، اوزله شدیک آرازدا، یئنه گؤزلر بولاغ اولدو


یئنه غملر قالاق اولدو


یئنه قارداش سایاغی سؤزلریمیز بیر سایاق اولدو


وصل اییین آلمادا، ال چاتمادی عشقیم داماغ اولدو


هله لیک غم سارالارکن قارالار دؤندو آغ اولدو


آرازین سو گؤلو داشدی، قایالیقلاردا باغ اولدو


ساری سونبوللره زولف ایچره اوراقلار داراق اولدو


یونجالیقلار یئنه بیلدیرچینه یای-یاز یاتاغ اولدو


گؤزده یاشلار چیراغ اولدو


لاله بیتدی یاناغ اولدو


غونچا گولدو دوداق اولدو


نه سول اولدو، نه ساغ اولدو


ائلیمی آرخامی گؤردوکده ظالیم اووچو قیسیلدی


سئل کیمی ظولمو باسیلدی، زینه آرخ اولدو، کسیلدی


گول گؤزونده ن یاشی سیلدی


تور قوران اووچو آتبن قوومادا سیندی، گئری قالدی


اؤزو گئتدی تورو قالدی


آمما حئیدربابا دا بیلدی کی، بیز تک هامی داغلار


باغلانیب قول-قولا زنجیرده بولودلار اودور آغلار


نه بیلیم بلکه طبیعت اؤزو نامرده گون آغلار


ایری یوللاری آچارکن، دوز اولان قوللاری باغلار


صاف اولان سینه نی داغلار


داغلارین هر نه قوچو، ترلانی، جئیرانی، مارالی


هامی دوشگون، هامی پوزغون، سینه لر داغلی، یارالی


گول آچان یئرده سارالی


آمما ظن ائتمه کی، داغلار یئنه قالخان اولاجاقدیر


محشر اولماقدادی بونلار داها وولقان اولاجاقدیر


ظولم دونیاسی یانارکن ده تیلیت قان اولاجاقدیر


وای ...! نه توفان اولاجاقدیر


دردیمیز سانما کی، بیر تبریز و تهران دیر عزیزیم


یا کی، بیز تورکه جهنم اولان ایراندا عزیزیم


یوخ بو دین دعواسیدیر دونیا تیلیت قاندیر عزیزیم


تورک اولا، فارس اولا دوزلوک داها تالاندیر عزیزیم


بیز آتان دیندیر، آتان دا بیزی ایماندیر عزیزیم


سامیری مروتد ائدیب هه نه موسلماندیر عزیزیم


اوممه تین هارونو من تک له له گیریاندی عزیزم


هر طرفدن قیلیج ائندیرسه له قالخاندیر عزیزیم


بیر بیزیم درمانیمیز موسی عمران دیر عزیزیم


گله جک شوبهه سی یوخ آیه ی قورآندیر عزیزیم


او هامی دردلره درماندیر عزیزیم


د.وقتور اولدوقدا بشر بو یارانی ساغلاماق اولماز


اولماسا آللاه الی دین مرضین چاغلاماق اولماز


داغلاماقدا علاج اولسا بیر ائلی داغلاماق اولماز


دینی آتمیش ائله یاوروم داها بئل باغلاماق اولماز


او گولوب آغلایا دا، اونلا گولوب آغلاماق اولماز


شئیطانی یاغلاماق اولماز


دئدین: آذر ائلینین بیر یارالی نیسگیلی یم من


نیسگیل اولسامدا گولوم بیر ابدی سئوگیلی یم من


ائل منی آتسادا اؤز گوللریمین بولبولو یم من


ائلیمین فارسیجادا دردینی سؤیلر دیلی یم من


دینه دوغرو نه قارانلیق ایسه ائل مشعلی یم من


ادبیات گولو یم من


نیسگیل اول چرچی یه قالسین کی جواهیر ندی قانمیر


مدنیت دبین ائیلیر بدویت، بیر اوتانمیر


گون گئدیر آز قالا باتسین گئجه سینده ن بیر اویانمیر


بیر اؤز احوالینا یانمیر


آتار اینسانلیغی آمما یالان انسابی آتانماز


فیتنه قووزانماسا بیر گون گئجه آسوده یاتانماز


باشی باشلارا قاتانماز


آمما منده ن ساری، سن آرخایین اول شانلی سهندیم


دلی جئیرانلی سهندیم


من داها عرش علا کؤلگه سی تک باشدا تاجیم وار


الده فرعونه قنیم بیر آغاجیم وار


حرجیم یوخ، فرجیم وار


من علی اوغلویام آزاده لرین مرد و مورادی


او قارانلیقلارا مشعل


او ایشیقلیقلارا هادی


حققه ایمانه مونادی

باشدا سینماز سیپه ریم، الده کوتلمز قیلیجیم وار

[!722!]

من گلمیشم سیزه گوناخ

جیران منه باخ باخ

مارال منه باخ باخ

پیشیر منه بیر قی قاناخ

جیران منه باخ باخ

گئوزل منه باخ باخ

خومار اولدوم خمار اولدوم خومار اولدوم خومار

کتان کوینک بندی گوموش

گئوردوم بیر حال اولدوم بیر حال اولدوم بیر حال اولدوم بیر حال

لا لا لالالا لا لا لالا

لا لا لالالا لا لا لالا

گئدیم گئوردوم باغا یاتیب

جیران منه باخ باخ

مارال منه باخ باخ

قارا تللر گوله باتیب

جیران منه باخ باخ

گئوزل منه باخ باخ

خومار اولدوم خمار اولدوم خومار اولدوم خومار

کتان کوینک بندی گوموش

گئوردوم بیر حال اولدوم بیر حال اولدوم بیر حال اولدوم بیر حال

لا لا لالالا لا لا لالا

لا لا لالالا لا لا لالا

گئدیم گئوردوم بولاخ دادی

جیران منه باخ باخ

مارال منه باخ باخ

گوشا خال لار یاناخ دادی

جیران منه باخ باخ

گئوزل منه باخ باخ

خومار اولدوم خمار اولدوم خومار اولدوم خومار

کتان کوینک بندی گوموش

گئوردوم بیر حال اولدوم بیر حال اولدوم بیر حال اولدوم بیر حال

لا لا لالالا لا لا لالا

لا لا لالالا لا لا لالا

خومار اولدوم خمار اولدوم خومار اولدوم خومار

کتان کوینک بندی گوموش

گئوردوم بیر حال اولدوم بیر حال اولدوم بیر حال اولدوم بیر حال

لا لا لالالا لا لا لالا

لا لا لالالا لا لا لال

[!722!]

چرخی فلک منله یامان باشلادی

نه چوخوموش آهی زاری دونیانین

باغبان اولدوم گیردیم دونیا باغینا

حئیف کی یوخوموش باری دونیانین

ازلدن دوست ائتدی منی قاندیردی

یالان ساتدی اوره گیمی یاندیردی

درد منی چولقادی بوش دولاندیردی

هئچ یوخویموش اعتباری دونیانین



خسته قاسم دئییر اوزوم گولمه دی

حکیم لقمان درده درمکان بیلمه دی

گؤزومون یاشینی کیمسه سیلمه دی

تؤکولدو باشیما ناری دونیانین


دنیا


چرخ فلک بازی بدی را با من شروع کرد

آه و زار دنیا چه زیاد بود

باغبان شدم و به باغ دنیا قدم گذاشتم

حیف که میوه ای نداشت دنیا



از روز اول مرا با دوستی خودش فریفت

دروغ گفت و دلم را سوزاند

مرا گرفتار درد کرد و بیهوده گرداند

هیچ اعتباری نداشت دنیا



خسته قاسم می گوید : روز خوش ندیدم

لقمان حکیم دردم را نفهمید

کسی اشک چشمانم را پاک نکرد

آتش دنیا بر سرم ریخت

[!722!]

هاچان، بیرده،گورم سنی

آنا یوردوم،آنا وطن

گول اوزووه، حسرت قالیب

سن سیز، گلدیم جانا، وطن

مین داوادا،مین دویوشده

بولاشمیسان قانا،وطن

کیم دور سنه،ایری باخا؟

کیم دور،سنی دانا،وطن؟

جانیم اولسون،سنه قربان

آذربایجان، آذربایجان

***

بسله میسن قوجاغیندا

حیدرخان تک،قهرمانلار

دیواریندان،داشلاریندان

توکولوبدی،سئل تک،قانلار

کوراوغلونون،نعره سیندن

قورخوب، قاچار،شاهلار،خانلار

خلق میزه،ایلهام وئریر

آدلی،شانلی،ستارخانلار

ایگیت اوغلون،حسین باغوان

آذربایجان،آذربایجان

***
آخشام چاغی،اوبالاردا

سرین سرین،یئل لر،اسر

گدیک لری،دوتوپ دومان

دره لرده،قوزی،مئلر

باغچالاردا،عاشق آلما

داغلاریندا،جیران، گزر

آلمالاری،آغاجلاردان

خمار گوزلی،قیزلار،د ره ر

هرطرفین،باغ دور، بستان

آذربایجان،آذربایجان

***
تاریخ لره،سالدیم نظر

وار سنده،مین لر،قهرمان

بابک لره، اولموش وطن

ستارخاننان، قالمیش نشان

داوا گونی،میدان لاردا

دوشمن لره،قارشی دوران

دوشمن،اگر ئولدورسه ده

ال چکمیرم ،سندن، اینان

سن سن منه،روح وروان

آذربایجان،آذربایجان