اشعار و غزليات تركي

[!722!]

بوراخ اللریمی داها
الیم الینده اوشودو
آیریلیق زامانی گلدی
بو دا آلل اهین ایشیدی
سن اوزومه باخا – باخا
یازما هر ایشی گوناها
اللریندن اوچدو داها
سئوگی بیر فورصت قوشویدو
..
هیچ بیلدین می نه لر چکدیم؟
سنلی واختدا دا تکیدیم
اول آخیر گئده جکدیم
بو عشق حسرته توش ایدی
..
بیر آد داشییریق ایندی
« یوخ » دئمه دیک کیم نه دئدی
هر کس منه سئوگیلیدی
هر کس ده سنه کیشیدی
..
سؤندوردون قلبیمده اودو
بیر گونلوک سئوگیدیر آدی
بلکی سنه باهار اولدو
آمما منیم چون قیشیدی
..
بوراخ اللریمی داها
الیم الینده اوشودو
طالع بیزی گرروشدوردو
بودا آلل اهین ایشیدی
دستم را رها کن


دستم را رها کن دیگر
دستم در دستت سردش شد
زمان جدائی رسید
این هم کار خدا بود
..
در حالی که نگاهم می کنی
هر چیزی را به حساب گناه ننویس
عشق پرنده فرصت بودکه
از دستهایت پر کشید
..
هیچ فهمیدی چه ها کشیدم
با تو هم من تنها بودم
اول و آخرش رفتنی بودم
این عشق همراه حسرت بود
..
اسمی را همراه داریم
به هیچ کس نه نگفتیم
هر کسی سوگلی من است
هر کسی یار تو هست
..
آتش دلم را خاموش کردی
اسمش عشق یک روزه است
شاید بهار تو بود
اما زمستان من بود
..
دستم را رها کن دیگر
دستم در دستت سردش شد
زمان فراق رسید
این هم کار خدا بود

[!722!]

نوروز بایرامییدی اوشاقلار مکتبه تزه گئدیب گلیردیلر


منیم یاماقلی کؤینگیمه باخیب باخیب گولوردولر


آغلایا آغلایا قاییتدیم ائوه آنام قوجاقلادی اؤپدو اوزومدن


اوشاق عزیز گونده سینماسین دئیه آنام


جئهیزلیگی یورقان اوزوندن منه اوز کؤینگی تیکدی هدیه...


من ده ایکیدفعه اوزوندن اؤپدوم....


ای مئهریبان آنا ای عزیز آنا حاییف کی اوگوندن حسرتم سنه....

[!722!]

اوپدوم گول یاناقلاری

بیرباغبانی چاغیردیم،

باغیندان گیلاس آلدیم،

توتمادی اوووجلاریم،

هاوالاندیم سسیله،

ایسیندیم[*]نفسیله،

بولبولون نغمه سییله،

سوگیمی دیله سالدیم،

باغ چیچک دی،من آری،

بالدی باغبانین باری،

اؤپدوم گول یاناقلاری،

میلیمی گوله سالدیم.

[!722!]

ساقیا می و پیمانه نی گوندر بو گئجه داغلامیشام

یوخو گیر مزگوزومه چون اوقدر آغلامیشام

ساقیا دولدور ایچم گل هوسی ایله میشم

سونا چاتسین بو بهار من کی گولون گورمه میشم

گولومون بیر تئلنی مین باهارا وئرمه میشم

ساقیا دولدور ایچم یار هوسی ایلمیشم

یارمی آلدلار الدن کیمه من نیلمیشم.

[!722!]

گه لین خینا باغلایار اه لی یاغا باغلایار
اگر خینا اولماسا بیر رنگ داها باغلایار

گه لین گه له ر نازونان او یون چولار سازونان
اه لی یاری اه لینده زنده لیگی یازونان

گه لینه باخ گه لینه بیر گول آلموش اه لینه
شمشاد بویلی یارینان گئدیر ینگی اه وینه

گون سازوینان آی اوینار یاز اوینار و یای اوینار
ایکی یارونگ تو یودور هاینا دئیگ های اوینار

ساری گومپول گئی گومپول هر چیراغدان یئی گومپول
گور دک له ری به زه دن یئرینگ اولسون گئی گومپول

ساز چالیر و ناقارا یار گه لیر یار آپارا
اجاق باشونا تولان تا کی گئدنگ سوارا

شاپ وورینگ و گول له شینگ گه لینینن دیل له شینگ
آتا اه وی ترک ائدیر حالون نان خوب بیل له شینگ

[!722!]

دیگر غروب و قصه به پایان رسیده بود آرامش نخست به طوفان رسیده بود

خون می گذشت از سر ایوان کربلا

گرداب تا میانه میدان رسیده بود

آن امتحان سخت که خورشیدمیگرفت

از لحظه های سخت به آسان رسیده بود

بر زخمهای پیکر خورشید تاختند

میراث آخرین به سواران رسیده بود

از حاشیه به متن رسیدند نیزه ها

نوبت به موهای پریشان رسیده بود

آخر سکوت کهنه بغض دلم شکست

ابر عاقبت به لحظه باران رسیده بود

منظومه صبوری زینب شروع شد

وقتی غروب ،قصه به پایان رسیده بود

[!722!]

قانه غرق اولدي علي گول كيمينسولدي علي
شيعلـر قـان آغليون باغریقان ئولـدي علي

آغلا قان آغـلا گوزوم

قلبوي داغلا گوزوم

نـوزده مـــاه صيـام عـالمينـه دوز امــام
سجده ده قا نه باتوب ا ُول شه والا مقـام

عـا لمه مولا ئـولـور

همسـر زهرا ئـولـور

ورودي اُول خصم دغا با شينه كـاري يـارا
ايتدي مُنشق باشيني ضـرب شمشير جفا

اولـدی دینه جا نفـدا

زاده ی بيـت خــدا

باشدا ياره ديلده آه قانه باتدي سجده گاه
آغلادي بـو محنتـه ديـده ی ما هيله چـاه

ظُـلم َالـي اولـدي پـديـد

مـرتضـا اولـدي شهيـد

سيندي اركان نماز قان اولوب محراب راز
ياره خاطر جان ويرور اُول شـه بنده نـواز

ئوز گوزي القان گئدور

دلبـره مهمـان گئدور

مظهر مهـر و وفـا مـرتضـا شـاه ولا
دوشدی اعظم مُشكله عالمه مشكل ُگشا

بـاشدا يـاره ديل يـارا

جـان وئـرور شـاه ولا

يازدي آخوندي عيان باغريقان دیلده فغان
گوزياشي يوزده روان بو سوزي ايتدي بيان

روح قـرآن جـان وئرور

درده درمـان جان وئرور

[!MAHSA!]

سئوگی آیرلیخدان، گوجلودو والله


من اوزاخ سفره یوللانان گمی
سنی ترک ائدیرم بیر لیمان کیمی
قوخما آیرلیخدان بوراخ الیمی
سئوگی آیرلیخدان، گوجلودو والله
دونیادا نه قدر سئوگی وار بیل کی
سن منیم دیلیمین ازلی ، ایلکی
قوخما آیرلیخدان،اولوم دییل کی
سئوگی آیرلیخدان، گوجلودو والله
سن هله بیلمیسن آیرلیخ نه دیر
هر سفر کونلونو سیخیر، ایللدیر
آیرلئخ جیسمیدی، روح سنینله دیر
سئوگی آیرلیخدان، گوجلودو والله
قورخولو اینتیظار وار آغلار گوزونده
نئچه یالواریش وار بیر جه سوزونده
بیر گون بیلجکسن ائله سن اوزونده
سئوگی آیرلیخدان، گوجلودو والله
نه فرقی، یاخینام یا کی اوزاغام
هله کی سنینم نه قدرساغام
اولسم او دونیادان قایئداجاغام
سئوگی آیرلیخدان، گوجلودو والله
گوز یاشی عبث دیر توکوب گئدجم
کونلومو اودلارا یاخیب گئدجم

من سنه ،هامی یا ثبوت ادجم
سئوگی آیرلیخدان، گوجلودو والله

[!MAHSA!]

مزارستان


بیر گون یولوم دوشدی مزارستانا

ایله حس ایلدیم دوران یاتبدی

گوردوم انسانلاری سسیز صداسیز

بیلدیم دن قورتاریب درمان یاتبدی

سویکدیم بیر داشا ناتوان دیزی

زیارت ایلدیم اخر اویمیزی

گوردوم دار قبرده ظالم چنگیزی

ایلیب دنیانی ویران یاتبدی

ایستدیم قایدام ایاق دایاندی

باخدیم بیر قبره اورگیم یاندی

دنیانی ترک ادیب بیر آز زماندی

یار وصلین گورممیش جوان یاتبدی

حیرصدن دیشلریم بیر بیرین یدی

گوزوم گاه اغلادی گاه گولومسدی

داشین اوستوند کی یازیلار ددی

شاعر آستا یری انسان یاتبدی

القانا بویادی دیشیم دوداقی

هر ندن چتیندی اولاد فراقی

گوردوم بیر قبرده خیردا اوشاقی

اناسینان اوزاق گریان یاتبدی

اویما بو دنیانین پیس مرامنا

دنیا سلیمانلار چکمیش کامینا

یولچی تعنه ورور شاه مقامنا

اقادان یوخاری چوبان یاتبدی

اوردا هیتلر دوروب جنایت اتمز

یولداش یولداشیا خیانت اتمز

یوخسولوخ بیر کسی خجالت اتمز

توپراق ایچینده هامی یکسان یاتبدی

توپراق آلتیندا اریب بدنلر

گلدیگیم ندندی گتدیگیم ندن

بیریسی تابایپ اوچ قارچ کفن

قراندریق مکاندا عریان یاتبدی

اوردا نه جلاد وار نه دار آغاجی

قارداشین تانمور اوردا خان باجی

دونوب یار یارینا باخمور قیقاجی

اداسیز عشوسیز جیران یاتبدی

تپراق التیندا گوردوم من آیرلمازی

گلیب گتمگینه حیران یاتبدی

[!MAHSA!]

علی دیر


يقين بيل ابجد و بورهان, "على"دير
بيان-ى توحيد و قورآن, "على"دير

محممد مئعراجا وارديغى گئجه
قاپيدا گؤردويو آرسلان, "على"دير

چيخاردى اوزويو, وئردى نيشانه
"حقيقت" گؤردو كيم سوبحان, "على"دير

"حق" ايله قيلدى دوخسان مين كلامى
اوتوز مين سيرر ايله سيردان, "على"دير

چيخاريب يئر اوزوندن گؤيه اول دم
آپاريب گتيره ن رحمان٫ "على"دير

گؤروب يئر اوزره بير گونبد ياسينميش
عجاييب گونبد-ى خضران٫ "على"دير

ايچينده سورولور سيرر-ى حقيقت
قورولموش محشر و ميزان٫ "على"دير

ايره لى يئريييب٫ قاپىنى قاخدى
آنا كيمسن؟ دئيه سوران٫ "على"دير.

دئدى كيم: خاديمم٫ خئيرالنسايام
هم اول دم قاپىنى آچان٫ "على"دير

چو گؤردو قيرخ ارى وار٫ سيرر-ى قودرت
ايچينده سرور-ى مردان٫ "على"دير

ايچرى گيريبن قيلدى محببت
بيرى قيرخ٫ قيرخى بير ياپان٫ "على"دير

عجاييب رمز ايچينده قالدى احمد
بو رمزى گؤستره ن آسان٫ "على"دير

بيرينه چالدى٫ قيرخيندان قان آخدى
هم اول دم نشترى چالان٫ "على"دير

چيخاردى بير اوزوم ساييل دونوندا
الينه خاديمين سونان٫ "على"دير

ازيلدى شربت اولدو٫ ايچدى اونلار
جونون و عاشيق و حئيران٫ "على"دير

چاليندى كف و دست٫ قوپدو سماعى
بولارى مست ائده ن مستان٫ "على"دير

ايچيلدى شربت و ييرتيلدى تولبند
اوزويون گؤسته رن نيشان٫ "على"دير

يوخ ايكن يئر و گؤى٫ عرش ايله كورسو
حقيقت ميزانين قوران٫ "على"دير

بو معنىدن "على" سيرردير٫ يقين بيل!
خواريج گؤزونه سينان٫ "على"دير

بو بيچاره "ختايى"نين پناهى
داواسيز دردلره درمان٫ "على"دير.