اشعار و غزليات تركي

[!MAHSA!]

کونول غم چکمه یار آچمیش جمالیندن نقاب ایندی

خجالت‌دن اوزون تورپاغه سورتور آفتاب ایندی

او سرو نازنینین قامتی سانکی قیامت دیر

کی سالمیش خاطیر احبابه شوق انقلاب ایندی

طواف کوی جانان قصدین ائتمیش عشق چاووشی

بو یوزدن آذری اوغلو اولوبدور فیض‌یاب ایندی

همیشه اهل عشقی بی‌ریالیق نیک‌نام ائیلر

نولا، عالم قیلور اهل ریادن اجتناب ایندی

اومید وصلینه بیر نازنینه اعتماد ائتدیم

بو شیدا کونلومه هجرینده ائیلر مین عذاب ایندی

دم اورمش یوسف شادی زلیخای محبتدن

اولور معشوقه سیندن خسته عاشیق کامیاب ایندی

اول آهو گوزلونین گویا کی گورموش زلف پرچینین

قاچوب دشت خطاده گیزله‌نوبدیر مشکناب ایندی

مریده بنده‌ی پیر مغانم، عشق فیضیندن

نه ایسترسه‌م، اولور میخانه‌لرده مستجاب ایندی

من اول ساغرپرست و رند و عیاش کهن سالم

منه حرمت قیلوب تعظیم ائدر جام شراب ایندی

سیزینله بیز گوروش‌مگ آرزوسین چوخدان ائتمیش‌دیک

داریخما، فطرته یازسن‌ده، واحد، بیر جواب ایندی

علی آقا واحد

[!MAHSA!]

بیر نفر اهل وفا مین بی‌وفادن یاخشیدیر

بیر صداقت اهلی مین اهل ریادن یاخشیدیر

هانسی گول دیر حسنده سندن گوزه‌ل دیر، سئوگیلیم

هانسی بولبول عشقده من بینوادن یاخشیدیر

قاشلارین چرخین هلالیندن، اوزین خورشیددن

صورتین آیینه‌ی گیتی نمادن یاخشیدیر

بیر داها خالین گوزه‌ل‌لیک آرتیریر رخسارینه

بیر غلط سوزدیر دیمشلر، آغ قارادان یاخشیدیر

گوزلرین صحرای چین آهولریندن دل فریب

عنبرین گیسولرین مشک خطادن یاخشیدیر

صحتی بیمار، عشقین کعبه‌ی کوینده‌دیر

اهل درده خاک راهین توتیادن یاخشیدیر

مین بلا طوفانی، قوپسا، ذره گلمه‌ز عینیمه

رخنه گورمز هر بنا کیم ابتدادن یاخشیدیر

جاهله تبلیغ عرفان ایله‌ملک آسان ده‌گیل

دیده‌ی خفاش ایچون ظلمت ضیادن یاخشیدیر

واحد،انصافاً دیسین تبریزده دوستوم اعتماد

گنجلرده هانسی شاعر «بی‌ریادن» یاخشیدیر

علی آقا واحد

[!MAHSA!]

هترین غزل ترکی از دادا بیلوردی

کـؤنـول سنـی گـؤروب آنـجاق نـاسـازلانیـر گئنه ده

ایچیـم ایچیـم سنی دویـدوقـجا نـازلانیـــر گئنه ده

گؤز آلتی سئوگی یـه دالمیش یامان یامان ازیلیر

گـؤرنـده ایـستی قـوجــاقلار تـولازلانیـر گئنـه ده

سالیبـدی قیـرخ قویونون سان بلا دوغان دیبینه

قـانـادلانیب مـن بـدبـختـــــه قـازلانـیــــر گئنه ده

کولک لــرینـدن اوزولمـوش ، خیــالیــما بـوز آتیــر

اوتـانـماییب منـه پیـس پیـس آیــازلانیــر گئنه ده

منـی غـریـبه تـاپیبـدیـــر، کسیـر ، چاپیـر، تالاییـر

دَنیــز گـؤرنـده نَـریـلـدیــــر ، آرازلانیـــــــر گئنـه ده

کــؤنـول چیـخیبـدیــر اؤزوندن دادایه وحشی باخیر

بو کئفلی هئی شئر اولور هئی گُرازلانیر گئنه ده

[!MAHSA!]

بولبولون ناله‌ی جـانسوزینه باعث گـول ایمیـش

گوله هم عاشیقِ سـرگشتـه اولان بـولبـول ایمیـش

من دئیردیم کی، او مه مهر و وفـا صـاحیبی‌دیـر

دئمه بس، مهر و وفـادن او اوزی غافیل ایمیـش

داشا تـأثیـر ائلـه‌دی آهیــم اودیـله یـاندی

بیر اثر ائتمه‌دی اول شوخه، نـه آهـن‌دل ایمیـش

پیرِ میخانه سـوزون شیـخ قبول ائیلـه‌دی دون

آدم اولادی‌دیر، حقّا کی، هلـه قـابـل ایمیـش

یوخدور عاشیق، دئدی اول مه، منه سندن غیری

گیزلی منـدن، دئمـه، بیگانه‌لـره مایل ایمیـش!

عشقه دل ویرمز ایدیم، بارِ غمیـن بیلسـه‌ایـدیـم

نه بیلیم، عشقدن عشّاقـه بـلا حـاصیـل ایمیـش؟

واحـدا، مشکـل ایشـه خلقـده صبـر اوسـا اگر

اولو تدریج ایله آسان، هـر ایـش مشکل ایمیـش

[!MAHSA!]

تیکمیشم گوز راهه بر جلادی گوزلر گوزلریم

دامه دوشمیش صیدتک صیادی گوزلر گوزلریم

یوخسه دیرسیز زاهدم من اولموشام خلوت‌نشین

اول صنمدن اوتری بو بربادی گوزلر گوزلریم

بیستون داغین گیدوب گزمک دگل منظورمیز

نقش شیرین تک همان فرهادی گوزلر گوزلریم

تا ائدوب عکس جمالین سینه‌می لوح خیال

ششدر حیرتده برنرّادی گوزلر گوزلریم

برق عشقین آتش سوزانه یاخمیش باغرمی

یاش توکنده دجله‌ی بغدادی گوزلر گوزلریم

مکتب عشق ایچره تا ایتسون منی کامل عیار

اولموشام پا بسته براستادی گوزلر گوزلریم

قویمیم تا اوندان اوزگه کیمسه بو ویرانه‌ده

روز و شب بو خاطر ناشادی گوزلر گوزلریم

پرتو مهر روخوندن تاکی بیلسون بیر نشان

هر طرف سیران ائدوب هریانی گوزلر گوزلریم

جملهی قرآن کتابی ائیله مکدن الورق

اوزگه مطلب یوخ همین بیر آدی گوزلر گوزلریم

محمل لیلی «نباتی» گوزدن اولدو ناپدید

من نه مجنونم کی بو اوتادی گوزلر گوزلریم

سیّد ابوالقاسم نباتی

[!MAHSA!]

آه، بیلمم کی، نئچون بیزدن گئنه یار اینجیمیش،

بوی آیاق آلتیندا قالمیش، سانکی شاهمار اینجیمیش

بند ائدیب طرف بناگوشوندا مشکین زولفلرین،

یوخسا باد اسمیش، داغیلمیش لاله روخسار اینجیمیش

قویمادین بیر دم باخیم اول چشم مستین دؤورونه،

بیز نه قیلدیق تا کی، بیزدن چشم دیلدار اینجیمیش؟!

هارداسان، ای بینوا مجنون، ائشیت آوازیمی،

گل دخی بسدیر کی، سندن دشت و کوهسار اینجیمیش

کنج خلوتدن آیاق دیشقاری باسما بیرده سن،

قوی گولو الدن کی، سندن صحن گولزار اینجیمیش

ترک امید ائت تمام آشنا و دوستدن،

بیل یقین واضح کی، سندن یار و اغیار اینجیمیش

بو نه مذهب دیر، نه آیین، ای نباتی، بیر اوتان،

سن نه کافرسن کی، سندن جمله کفار اینجیمیش؟!

نباتی

[!MAHSA!]

آباد اوی ویران ائیلدی گئتدی او جانان

جانان کی گئدیب کونلوم اوی قوی قالا ویران

او آیریلالی نازیله آلدی منی مندن

ائتدی منی درویشی بو ویرانده سلطان

کونلوم نَقَدر وصلینه چیرپیندی او یارین

او وصله قووشدی منی گور نئیله دی هیجران

هیجران اوتونی سالدی وجودیمدکی شمعه

پروانه سی یوخ عشقیده یاندیم منی نادان

آند ایچمیشیدیخ سیریمیزی بولمسین اغیار

اغیاریله پایلاشدی اوزون سوگیلی جانان

قان ایچره بوراخدی منی دردیمله طبیبیم

درمان دیله دیم ائیله دی اوز قانیما غلطان

بیر گون منیلنده باریشار طالعیم اَلبت

واردی یقینیم دائما گئچمز بئله دوران

قوی ناز ائیلسین هر نَقَدر ائتسه طبیبیم

من درده آلیشدیم منه لازیم دئیل درمان

( سالک ) گیلی ائتمه بیزه عالمده زاوال یوخ

درد چکسه ده شاعر بوقَدر ائیلمز افغان

یاریم بو قَدر جور و جفا ائیلدی اما

جان ایستئسه مندن ائدرم جانیمی قوربان

[!722!]

نفسیم گلمه داها نازلی یاریم اتدی منی

چاغیریب باشقاسینی اوزگلره ساتدی منی

من گئدنده یولوما باخمادی اغلاتده منی

لعنت اولسون سنه دونیا کیمه خاطیر یاشادوخ

[!.behnoosh.!]

kalınca sebebsız bır başıma

وقتی بی سبب تنها می شم

hatıralar beynımde dans edıyor خاطرات در ذهنم شروع می کنند به رقصیدن
gunahlarım duzulub bır bır karşıma گناهانم تک تک سر راهم سبز می شن
sankı bır bır entıgam alıyor گویی می خواهند هر کدوم انتقام بگیرند
uregımden zencıre vurulmuşum من از قلبم به زنجیر کشیده شدم

hatıralar her bıe halgaye baglıyor خاطرات هر کدوم یه حلقه از زنجیرو می بندند
ben duygularımın asırı olmuşum من اسیره احساساتم شدم
hatalar yalan duygularda başlıyor خطاها از ااحساسات دروغ شروع می شه
sende benım hatalarımdan bırısın تو هم یکی از خطاهای من بودی
sen en boyok gunahların bedelısın تو قصاص بزرگترین گناهان منی
senın ıçın harjanan zamana yazık حیف زمانی که صرف تو شد
sen en guzel duyguların katılısın تو قاتل زیباترین احساساتم هستی
ıstemem senı نمی خوام تو رو
ne sevgını نه عشقتو
ne kendını نه خودتو
ıstemem ben bu hayatı نمی خوام من این زندگی رو

[rezadad]

غزلی زیبا از دادا:
.
.
آچدین هؤروگون

***

آچدیـن هؤروگون بیـر دیشی یـوخ شانـه دن اؤتـرو
یـانــدیـردیـن اؤزون بیــــر قــوجـــا پـروانـه دن اؤترو
احساس ائـله دین کئـفلی لــرین قیمتی آرتمیش
ساتـدیـن اوجــوزا عقلیـنـی میـخـانـه دن اؤتــرو
چــؤللر قـوشـو تـک عؤمرونو داغ داشدا چوروتدون
نـامــرده بـویـون اَیـدیـن آخیــــر لانــه دن اؤتـــرو
سن ائـلـده بـاریـش یـایـماغـا باش قاتمادا یالنیز
دیـوانــــــه چــومـاق بـاغـلادی دیـوانــه دن اؤتــرو
سن ائلدن اؤتور آغلادین ، اؤز عشقینه خاطیر
اؤزگـــه دئـــدی پـس یـانـدیـن او ویـرانـه دن اؤترو
قیــرجـانــدی زمـان فیـــرتـانـا دوغـدی وطنـیمده
حلله نــدی نـه خلقـه گـــؤره ، بیـگـانــه دن اؤترو
غــــرق اولــدو رقیـبـیـم زولالیـن دالـغــالاریـــنـدا
اؤلــدوردو اؤزون بیـلمه دیــم امّــا نه دن اؤترو!
مئی لـه دولـو تـاپـدیـن دادانی یـانغی لیغیندان
سیندیـردیـن آخیــر گـؤر نئـجـه پیـمانه دن اؤترو!