اشعار و غزليات تركي

[!ALIPOUR!]

قلم بیرسؤزدیم یازقوی ایتمسین

گؤز له گل یرینه تیکان بیت مسین

یعنی فکرؤن آیری یره گیتمسین

لعنت اولسون بودنیادا ئول کسه

باعث اولا ملت احسانین کسه

مواظب اول هدر اولار زحمتیم

اشتباهی دؤشر منیم صحبتیم

آند اولسون الها پاکدور نییتیم

قصدیم بودور خلقی ایدم حدایت

دوز یولارا قدم قویا جماعت

احسان ویرمک هر بیر ایشدن گؤزلدی

بهشته آپاران بو آچیق اَلدی

هرزمان کی احسان ویرن کملدی

جامعه نی درد و بلا بؤرؤیر

انسانلار غصه دن غمدن چؤرؤیر

دقت ایله ایندی منیم سؤزؤمه

یالان دیسم توپراق دولسون گؤزؤمه

بو ایش منیم ثابت اولوب اؤزؤمه

کیم الله یولوندا دؤز احسان وییرر

الله عوضنده یوز احسان وییرر

رحمت باخشیلان باخار انسانا

ایله نعمت ویرر گلمیین سانا

قویماز صدمه یتسین جسمیله جانا

انسان زندگی دن لذت آپارار

بو دنیادان قبره جنت آپارار

بو بیر سؤز ایلیب منی دیوانا

دوغرویوب قلبمی بویویوب قانا

اهّمیت ویرن یوخدور احسانا

احسان ویرن اؤزؤن گؤرؤر عرصده

سعی ایلیر زورون خلقه گؤر سده

فقیرلر گؤزؤنده گؤرمؤر یاشلاری


دعوت ایدیر بیر به بیر یولداشلاری

محلده کی تمام بیؤک باشلاری

آلمیا سو ویرمیر ویریر سؤووده

قصدی بو دور فقط آدین بؤووده

فقرا سؤووتدی یوخودور باری

چاتمیاجاج اونا آلماسی ناری

قرا کیسین گؤرؤم بو روزگاری

یوخسولارین اره چکیر کؤ کؤنه

ازیب یغیر واریلارین یؤکؤنه

بوسؤز لردی منی گتیرن زارا

وجدانلار یکسره چکلیب دارا


یادان چخیب بؤگؤن فقیر فقرا

قدیم محلره سای ویرر دیلر

حتی قوجالارا پای ویرر دیلر

کؤل اولسون بیله دنیانین گؤزؤنه

باخان یوخدور حق دیینین سؤزؤنه

هرکس هاردان دوتور کسیر اؤزؤنه

اودور کی قالمیشیق بیز قرا گؤنه

اؤزؤموز سالمیشیق ایشی دؤگؤنه

[!ALIPOUR!]

بو یالانچی دنیا آللادیب چوخون آجلاردان خبری یوخودور توخون
هارا خوشو گلیر حدف لیر اوخون
اؤلو اؤلجک تیز تپیلیر قبا قا
فشارلیییر خلقی باسیر قیرا غا
هایلییر تیز اولون آسون قازانی
سسلنؤن تیز گلسین آشپز مازانی
چوخ چکمز رادیول وییرر آذانی
اؤویزده نهارا قالمیون گلؤن
نماز قیلما میش دان سفره نی سرون

دیین یوخدور اونا هاردان گتیرک
اول ییردن قوی اؤلؤنؤ گوتؤرک
او یازیقی قبرستانا یتیرک
قویاق قبره اؤستؤنه توپراق تؤکک
صورا گلک اونون جبلرین سؤکک
بو اؤلؤنؤن داغلیبدور تیفاغی
خاموش لانیبدور عمرؤنؤن چراغی
واریدی بیر نچه ساغیر اوشاغی
صبر ایله اؤزؤوی هارا باسیسان
ساغیرین مالیندان شوربا آسیسان
مجبور اولدوم آخیر یازام کاغازا
آغلادیم بو سؤزؤ من یازا یازا
قورخورام سؤزلریم چکئه دیرازا
آغزیمی یومورام قویمورام دییه
امکانی وار بیر عده لر اینجییه
اؤلؤمؤنن دور موشام ئوؤز ئؤزه من
چکیم دره لر دن سُؤزؤ دؤزه من
اؤرگیمین سؤزؤن دییم سؤزه من
فکر ایلیؤن سؤز لریمه گُلمیؤن
الله بیلسین سؤز بیلمسؤز بیلمیؤن
اولؤسؤ اؤلن وار یوخودور دامی
سالریق بوینونا نهاری شامی
ویریریک الینه گدایلیق جامی
اؤرگمیز یانمیر اونون حالینا
شله لیریک بیز . بورجی دالینا
اؤلؤنؤن چیخجاقین اؤچؤ هفته سی
حساب کتابین آچلیر جفده سی
اتین یاغین گلیر چیکی سفته سی
گؤن اولو ر اون نفر گلیر دال بادال
قاپی سیندا سالیر اونون قیل و قال

[!ALIPOUR!]

هـر گیجه کی مـن یاتیرام، سن اُولمـاسـان اُویانمارام

شـاید شیـرین جـان‌دان دویام، آمّا سـن‌دن دویانمارام
یـرده سنی سـراغلییپ، گـوی‌ده سـنه راسـلامیشام

گـوی‌ده‌کی اولـدوزلاری‌دا، سـن اُولماسان سایانمارام
مـن نــه قــدر اوزخـلاشـیپ، هـر نـه قـدر یـاخینلاشام
بـویـــاخ ایــدر عشقــیمیزی ، آیــریــسینــا بــویانمارام
فــــکر ایــلییپ اُو گــــون‌لــره، تیتــردیــرم اوز جــانیمی
گــل بــاشــیمی قــوجاخلا کی، آیــری یره قـویانمارام
ور منـــه تیــز ال‌لــریــوی، بـــوز باغــلییپ دونــور الــیم
دنیــا اگــر بهشت اولا، ســن‌سیــز اولــوپ، دایانمارام
طاقتیمی طاق ایتمه‌سه، سن‌سیزلیقین چتین‌لیقی
یــاندیــرمــاز آیــری اوت منی، اوت اولا دنیـــا، یانمارام
صبــر ایــلییپ گــوزتــلرم، آیــری یــولا ســو سپــمــرم
هـر بیــر زادین جایماسینا ، من قوشولوپ جایانمارام
صفحــه دونـــر، بــولــود گیــدر، محبتــین گــونی گـــلر
اینــیمــه آق دون گییـــرم ، عمــر بــویی ســویانمارام
عمــریــمی ده، جـــانــیمی ده، لازم اُولار فــدا ایــدیپ
ســن عــزیــزین بیــر ذره ده، اینجیــمــه‌نــه قییانمارام
مگــر ســنین شیــرین‌لیـقین ، فـرهاد ایده منی سنه
اُویــان جانیم یوخســا داغی، فرهاد اُولوپ، اُویانمارام
مــن آینــایا بــاخــان زمــان، گــوزلریمه ســن گلیسن
مــن سمکــم دویــام جـانــا، جــانیم سنـه دویانمارام



ترجمه فارسی :
هر شب که می‌خوابم، فرداش فقط به امید تو بیدار می‌شم
شاید یه روزی برسه که از جان شیرین سیر بشم، اما هیچ وقت از تو سیر نمی‌شم
همه‌اش رو زمین دنبال تو می‌گشتم، اما وقتی سرم رو به طرف آسمون کردم، اونجا پیدات کردم
دیگه حتی ستاره‌های آسمون رو هم به بهانه تو می‌شمرم
هر چه قدر دور یا نزدیک که باشم
خودم رو فقط به رنگ عشقمون درمیارم، رنگ دیگه‌ای به خودم نمی‌گیرم
دارم به اون روزها فک می‌کنم، و تنم به لرزه میوفته
سرم رو تو بغلت بگیر، چون جای دیگه‌ای آروم نمی‌گیرم
زود دستات رو بده به من، که دستام داره یخ می‌زنه
اگه همه دنیا بهشت هم باشه، بدون تو می‌میرم و تو این دنیا نمی‌مونم
اگه دوری تو رو بتونم تحمل کنم
دیگه هیچ آتیشی منو نمی‌سوزونه، اگه حتی همه دنیا آتیش بشه
صبر می‌کنم و منتظرت می‌مونم، و فقط راه اومدن تو رو آب می‌پاشم
اگه همه دنیا به هم بریزه، من از این کارم دست نمی‌کشم
یه روزی میاد که همه چی عوض میشه، ابرا میرن کنار و خورشید محبت بیرون میاد
لباس سفید تنم می‌کنم و تا عمر دارم از تنم درش نمیارم
اگه لازم باشه جونم رو هم فدا می‌کنم
اما نمی‌ذارم حتی یه ذره هم ناراحت بشی
فقط شیرین بودن تو میتونه منو فرهاد بکنه
عزیزم بیدار شو و شیرین من باش، وگرنه من نمی‌تونم کوه بکنم

وقتی آینه رو هم نیگاه می‌کنم، تو رو می‌بینم
من سمکم، و اگه از جونم هم سیر بشم، عزیزم هیچ وقت از تو سیر نمی‌شم

[!ALIPOUR!]

نه فایداسی وار

اوره گی اویناغان اولان گوزه لین سنه قاش گوز آتسا نه فایداسی وار

گر سوز وئرسه سیندیراجاق ایلقارین آرزیلاردا یاتسا نه فایداسی وار

گونده بیریسین اوزونه یار توتان عومور بویی بیریسینن قالامماز

اوره گینده سن قالارلی دئیرسن الین الینه چاتسا نه فایداسی وار

باخما باخیشی معوصومدی اوشاق تک آلله بیلیر نه لر گئچیر باشیندان

سنین دردینه آه چئکیب یالاننان گوزلرین آغلاتسا نه فایداسی وار

باخیشلاری سانکی گویده کی اولدوز ایشیقینان سحره سالیر عالمی

نجابت اولماسا،دوزلوگ اولماسا قاش گوزون یاغلاتسا نه فایداسی وار

"اوت کوک اوسته بیتر"اینساندا بئله بو مثلی یاخشی دئییب آتالار

کیف داماقدان اوترو آتا آناسین دیل توکوب آلداتسا نه فایداسی وار

آتانین آنانین حورمتین آنجاق ان واجیب ساییبدی خالیق قرآن

قیرسا اورکلرین،گئجه گوندوزی باش مهره باغلاتسا نه فایداسی وار

گئچرگینین سوزون ساخلا یادیندا خار ائدر اینسانی یالتاقلی سئوگی

آبیری گئدن آییخسا بیر داها دنیانیدا قاتسا نه فایداسی وا

[!722!]

یاغیش یاغیر داشلارا

دیین اوچان گوشلارا

آپارسین سلام بیزدن

وفالی یولداشلارا

[!722!]

دردیمی هر دکتره ائتدیم بیان قان آغلادی


بیر منه بیر نسخمه باخدی مطلبین باغلادی


آغلادیم دوشدوم ایاقین ددیم دردیم ندی


سویلدی کی سن مریضی عشقسن مجنون کیمی دیوانسن


گت فقط یالوار نیگار آتماسن گوزدن سنی

[!722!]

نولار زمانه قییتسه اگر بیر ازجا دالا

نولارکی بیرده گچن گونلریم سنیله اولا

نه اولدی فاصله دوشدی بیله ارامیزدا

اورکده حسرتینی قورخورام اولونجه قالا

نه اولدی دامننین الدن اووزلدی تک قالدیم

ندن زمانه منی بوش الیله سالدی یولا

سنین خیالیویله لحظه لحظه عومریمی من

گچیردیرم بو امیدله وصل قسمت اولا

اریتمیشم جانیمی شمع تک فراقونده

بیلورسن هچ منی عشقون سالوبدی حالدان حالا

منیم رقیبلریم هر نه دن بتر چالیشیر

منیم اورکده کی عشقیم سنه بیر از ازالا

منی اگر چی یخیب عشقون تجلاسی

من آرزو ایدیدرم شان و شهرتون اوجالا

بودور اورکده کی آرزیم چیخاندا خسته حجانیم

سنون الونده آلیب نعشی قبریمه قویالا

خومار باخیشلارینا خوشدی بذل ایدم جانیمی

هایانداسان منه باخ قویما غم کدر چوخالا

[!722!]

پاییزلییب هاوارلار گلشنیم خزان اولموش

باهار باتیبدی یاسا مونیسیم فغان اولموش

قاباقدا داغ دره دن تولکی قورد سسی گلیری

باتیبدی گون یوخ آ ی اولدوز هاوا دومان اولموش

سسیمی یوخ ایشیدن آز قالور نفس دایانا

گناهمیز نه دی کی حالیمز یامان اولموش

دوتوب دومان گوزومی دای گورنمیرم قاباغی

ایتیرمیشم یولی یئل مندن ال دوتان اولموش

یاغیش یاغیب گلوری سئل بوتون دره دولوسی

اومید کورپوسی باشدان باشا ایلان اولموش

اولار کی خوش گونی یولداش اولاردیلا منله

هاموسی زالو کیمی ایندی قان سوران اولموش

آچیب دی سفره سینی هریانا اگرچی فلک

بیرسی اولسادا یاغلی مینی یاوان اولموش

زمانه دوسلاریمی بیر به بیر الیمدن آلیب

قالانلاریندا سوزی وعده سی یالان اولموش

هایانداسان منیم ای باوریم ایشقلی سحر

گزور گوزوم سنی یوللاردا بی نیشان اولموش

بو اینتیظار ی قوتار گل بیزه اومید گتور

کی حسرتین قالانیب داغ کیمی قالان اولموش

[!722!]

محبتلی سووزن قولاقیمدادی باخیرام هریانا گوره بیلمیره م


آغلار گوزلریمله گزورم سنی دنیزدی یا داغدی دره ببیلمیره م

قورموش بوغازدان سنی سسلیورم


هایاندا قالموسان یئرین بیلمورم


هیچ بیلیرسن هله یولون گوزلورم ؟


کیم وار منه خبر وئیره بیلمیره م

[!722!]

قاره گییوب قوشولدوم عزاداره یا حسین



چکدیم اورکده عشقمی معیاره یا حسین

تا گوزلریم محرم آیین رویت ایلدی



کوی وصاله چاتماقا جدیت ایلدی



کالای عشق الده گلیب قیمت ایلدی



اظهار ایدوبدی خبره خریداره یا حسین

ای شاه عشق بیر نظر ایت حال زاریمه



هر گون خزان یلی اسوری نوبهاریمه



حسرت توزی عومور بویی قوندی عذاریمه


اغلار گوزویله گلمیشم اصراره یا حسین